Կիրակի օրը Չինաստանում նոր ցույցեր են տեղի ունեցել, որի մասնակիցները պահանջել են պատժել Ճապոնիային: Չինաստանի հարավում` Գուանդուն նահանգի Շենչժենվ քաղաքում, ոստիկանությունը ցրել է ցույցի մասնակիցներին արցունքաբեր գազի և ջրային թնդանոթների միջոցով:
ԱՄՆ պաշտպանության նախարար Լեոն Պանետան հայտարարել է, որ հրահրող ելույթները կարող են հանգեցնել քաղաքական սխալի, որը կվերածվի հակամարտության: Նման զգուշացման առիթը Չինաստանում շարունակվող հակաճապոնական ելույթներն են Արևելաչինական ծովում գտնվող կղզիների պատկանելության շուրջ:
Չինաստանը պնդում է իր գերիշխանության իրավունքը Սենկակու կամ Դյաոյույտայ (ինչպես անվանում են Չինաստանում) կղզիների նկատմամբ:
Դրանք տարածքային վեճի առարկա են Ճապոնիայի, Չինական Հանրապետության (Թայվան) և Չինաստանի Ժողովրդական Հանրապետության միջև:
Անցած շաբաթ Ճապոնիայի կառավարությունը որոշում է կայացրել գնել այդ կղզիներն ճապոնացի սեփականատերերից:
