Լիբիայի իշխանությունները 50 մարդ են ձերբակալել սեպտեմբերի 11-ին ԱՄՆ դեսպանատան վրա հարձակումից հետո, հայտնում է Agence France-Presse-ը: Հարձակման զոհ է դարձել Լիբիայում ԱՄՆ-ի դեսպան Քրիս Սթիվենսը:
Ինչպես սեպտեմբերի 16-ին հայտնել է Լիբիայի ազգային կոնգրեսի նախագահ Մոհամմեդ Ալ-Մեգարիեֆը, դեսպանատան վրա հարձակվողների շարքում կան օտարերկրացիներ, որոնք ժամանել են տարբեր վայրերից, այդ թվում` Մալիից և Ալժիրից:
Ալ-Մագարիեֆի խոսքով` հարձակումը ագրեսիայի պատահական դրսևորում չի եղել, այլ հրահրվել է հակաիսլամական «Մուսուլմանների անմեղությունը» ֆիլմի հայտնվելով: Քննությունը եկել է այն եզրահանգման, որ հարձակումը նախօրոք պլանավորված է եղել այն օտարերկրացիների կողմից, որոնք մի քանի ամիս առաջ էին ժամանել Լիբիա:
Դեսպան Քրիս Սթիվենսից բացի` հարձակման զոհ է դարձել ևս երեք մարդ. Պետդեպարտամենտի տեղեկատվության բաժնի աշխատակից Շոն Սմիթը, ինչպեսև երկու ամերիկացի զինծառայող:
