ԱՄՆ-ի իշխանություններին հարկ է հրաժարվել Եվրոպայում ՀՀՊ-ների տարրերի վերջնական տեղակայումից, կարծում են ԱՄՆ-ի գիտությունների ազգային ակադեմիայի մաս կազմող Ազգային հետազոտական խորհրդում:
Ազգային հետազոտական խորհուրդը երեկ՝ սեպտեմբերի 11-ին, ԱՄՆ-ի Կոնգրեսի անդամների խնդրանքով հրապարակել է մի զեկույց, որը նախապատրաստվում էր մի քանի ամիս շարունակ: Այն նվիրված է եղել ՀՀՊ-ների ոլորտում ամերիկայի իշխանությունների ներկայիս պլանների հետազոտությանը:
Հետազոտության հեղինակները, որոնց թվում են ԱՄՆ մի շարք պաշտոնաթող զինվորականներ, գիտնականներ ու նախկին պաշտոնատար անձինք, պնդում են, որ Վաշինգտոնը զգալի պետք է վերանայի ՀՀՊ-ների տեղակայման մասին իր ծրագրերը, հաղորդում է ITAR-TASS-ը:
Նրանց եզրակացությունների համաձայն՝ պետք չէ անգամ ՀՀՊ-ների տեղակայման չորրորդ փուլ: Մոսկվայում այդ փուլը «գնահատում են որպես լուրջ ռիսկ ռուսական ռազմավարական ուժերի զսպման համար», մարտին նշել էր ՌԴ արտգործնախարար Սերգեյ Լավրովը:
Փուլային մոտեցումը մշակվել էր ԱՄՆ նախագահ Բարաք Օբամայի կողմից:
Նրա որոշման համաձայն, որը հրապարակվել է 2010թ. սեպտեմբերին, ԱՄՆ-ի կողմից Եվրոպայում ՀՀՊ համակարգը պետք է ստեղծվի 4 փուլով:
Համաձայն Ազգային հետազոտական խորհրդի եզրակացության՝ «այս վերջին փուլը պետք է չեղյալ հայտարարել», քանի որ այն ավելի քիչ օպտիմալ է ԱՄՆ-ն պաշտպանելու համար:
ՀՀՊ-ների տեղակայման 4-րդ փուլի փոխարեն գիտնականները կառավարությանը կոչ են անում ստեղծել հրթիռների տեղակայման ևս մեկ բազա, որը նման կլինի Ալյասկայի Ֆորտ Գրիլիին կամ Կալիֆոռնիայի Վանդերբերգին:
Երրորդ բազան առաջարկվում է ստեղծել «ԱՄՆ-ի հյուսիսարևելյան մասում»:
