Ճապոնիայում ավելի քան 100 հազար մարդ է դուրս եկել փողոց` բողոքելու ճապոնական Օկինավա կղզու վրա MV-22 Osprey կոնվերտոպլանի տեղակայման դեմ: Ցույցը տեղի է ունեցել Գինովան քաղաքի այգում:
Ցուցարարները կառավարությունից պահանջել են մերժել ԱՄՆ-ի ռազմական հրամանատարությանը Օկինավայի ամերիկյան ռազմաբազաներում Osprey-ի տեղակայումը` ելնելով անվտանգության նկատառումներից:
«Մենք չենք կարող մեզ թույլ տալ նման վտանգի մեջ ապրել, երբ ցանկացած պահի երկնքից մեր գլխին կարող է ընկնել այդ սարքը»,- հայտարարել են ցուցարարները:
Նրանք մի շարք դեպքեր են օրինակ բերել:
Ամերիկյան կողմը հավաստիացնում է, որ սարքի խափանման պատճառը ոչ թե թերություններն են, այլ մարդկային գործոնը:
