Թունիսում իսլամիստական «Նահդա» իշխող կուսակցության հազարավոր կողմնակիցներ ուրբաթ օրը դուրս են եկել մայրաքաղաքի փողոցներ:
Ինչպես հաղորդում է Euronews-ը, նրանք կոչ են արել կառավարությանը զտում անցկացնել իշխանական կառույցներում, դատարաններում և ԶԼՄ-ներում՝ տապալված նախագահ Բեն Ալիի կուսակցության նախկին անդամներից ազատվելու համար: «Մենք փորձում ենք հասնել ԶԼՄ-ների անկախությանը և պահանջում ենք, որպեսզի ընդունվեն հակակոռուպցիոն միջոցներ: Նրանք, ովքեր իշխանության մեջ են եղել նախորդ վարչակարգի օրոք, պետք է հեռանան իրենց պաշտոններից»,- ասել է ակտիվիստներից մեկը:
Վերջին շրջանում երկրում ուժեղանում է քաղաքական լարվածությունը: Անցումային կառավարությունը պետք է մեկ տարվա ընթացքում կազմակերպեր ընտրություններ և նոր սահմանադրություն ընդուներ: Սակայն օգոստոսին հայտարարվեց, որ հիմնական օրենքի ընդունումը կես տարով հետաձգվում է:
