2010թ. համաշխարհային կինոարտադրությունը զգալի աճ է արձանագրել: Այս մասին ասվում է Ամերիկյան կինոասոցիացիայի (MPAA) մամլո հաղորդագրության մեջ, որը մեջբերում է The Deadline-ը:
MPAA-ի տվյալներով, անցած տարի կինոարտադրողներին հաջողվել է ապահովել 31.8 մլրդ դոլարի եկամուտ, ինչն 9%-ով ավելին է, քան նախորդ` 2009թ.-ին: Ամենամեծ աճն արձանագրվել է հարավարեևլյան ասիական տարածաշրջանում: Չինաստանում այդ աճը կազմել է 21%, իսկ ընդհանուր եկամուտներն այստեղ հասել են 1.5 մլրդ դոլարի: Հայտնի է նաև, որ այս շուկայում գերակշռող տեղ է զբաղեցնում չինական արտադրությունը:
Կինոարտադրության ողջ «բեռն» ընկած է Կանադայի և ԱՄՆ-ի վրա, որոնք ապահովում են կինոարտադրության եկամուտների 1/5-ը: Այդ եկամուտների մեծ մասն ապահովվել է 3D ֆիլմերի միջոցով:
Սակայն 2011թ.-ի հունվարին այդ եկամուտները զգալի նվազել են: Անցած ամիս հաջողվել է վաճառել 79 մլն տոմս, որն ապահովել է 636.7 մլն դոլար եկամուտ: Շատ մասնագետներ այն կարծիքին են, որ դրա պատճառը լավ ֆիլմերի բացակայությունն է:
