Լիտվայի իշխանություններն այսօր հետմահու կպարգևատրեն Ռուսաստանի առաջին նախագահ Բորիս Ելցինին` լիտվական պետության կայացման գործում առանձնահատուկ ներդրում ունենալու համար: Նրա այրուն` Նաինա Ելցինային, Լիտվայի նախագահ Դալյա Գրիբաուսկայտեն Վիլնյուսում կայանալիք պաշտոնական արարողության ընթացքում կհանձնի Վիտիսի Խաչի շքանշանը:
Երբ 1991 թ. խորհրդային ռազմական ուժերը գրավեցին Վիլնյուսի հեռուստակենտրոնը, Ելցինը աջակցեց Լիտվային և դատապարտեց նրանց դեմ ցանկացած ուժի կիրառում: Այնուհետև Բալթյան երեք հանրապետությունների` Լիտվայի, Լատվիայի և Էստոնիայի հետ ստորագրեց անկախության ճանաչման հռչակագիր:
Նույն թվականին Ռուսաստանը՝ Ելցինի գլխավորությամբ, Լիտվայի ինքնավարությունը ճանաչելու պայմանագիր ստորագրեց:
