ԳԱԱ թղթակից անդամ, ԵՊՀ պատմության ամբիոնի վարիչ Բաբկեն Հարությունյանի կարծիքով, ադրբեջանական քարոզչությունը շատ ակտիվ է աշխատում, և հայկական կողմը համապատասխան հակահարված չի տալիս: Ադրբեջանը քարոզչություն տանելու համար իր բոլոր ուժերը միավորում է:
«Արևմուտքի համար միևնույն է, նրանք տեղյակ չեն ճշմարտությունից և, միևնույն սուտը բազմիցս լսելով` ընդունում են այն որպես ճիշտ»,- ասաց Բ. Հարությունյանը:
Ըստ նրա՝ մեր քարոզչությունը շատ թույլ է, և դրա պատճառը պետական աջակցության բացակայությունն է:
«Մենք բոլոր ուժերը պետք է կենտրոնացնենք և այնպիսի փաստեր հրապարակենք միջազգային ասպարեզում, որ Ադրբեջանը ինքը ստիպված լինի պատասխան փնտրել»,- շեշտեց Բաբկեն Հարությունյանը: