Մոտ երեսուն րոպե առաջ ՀՀ առաջին նախագահ Լևոն Տեր-Պետրոսյանը ՀԱԿ-ի անդամ կուսակցությունների առաջնորդների հետ բարձրացավ Մատենադարանի հարթակ և ժողովրդի բուռն ծափահարությունների ներքո ողջունեց հավաքվածներին:
Այդպես մեկնարկեց ՀԱԿ-ի հանրահավաքը, որը բացեց ՀՀՇ վարչության նախագահ Արամ Մանուկյանը և հայտնեց, որ հանրահավաքին միացել են Գյումրիի վրացական պետհամարանիշերով մեքենաների վարորդները: Արամ Մանուկյանը ողջունեց Թունիսի, Եգիպտոսի և Եմենի ժողովուրդներին, ովքեր պայքար են մղում իրենց իշխանությունների դեմ:
Զոյա Թադևոսյանն իր ելույթում դատապարտեց Հայաստանում վերջին թանկացումները և ասաց, որ սա բավարար հիմք է պահանջելու իշխանությունների հրաժարականը:
Այժմ ելույթ է ունենում Լևոն Տեր-Պետրոսյանի մամլո խոսնակ Արման Մուսինյանը, ով իր ելույթում հայտնեց, որ առևտրով զբաղվող մի շարք քաղաքացիների պահանջով քաղաքապետարանը կարող է որոշում կայացնել, որպեսզի կրպակները աշխատեն մինչև ժամը 8:00, իսկ սուպերմարկետները` ավելի երկար:
