ԱՄՆ նախագահ Բարաք Օբաման ծննդյան օրվա կապակցությամբ իրեն թույլ է տվել նախընտրական քարոզարշավից մի քանի ժամ լիարժեք հանգստանալ: Շաբաթ օրը ԱՄՆ նախագահը դարձավ 51 տարեկան:
Այսօր առավոտյան` ավանդական ռադիոուղերձից հետո, նա մի քանի ժամ գոլֆ է խաղացել ընկերների և օգնականների հետ, իսկ հետո մեկնել Քեմփ Դեյվիդի իր առանձնատուն:
Ի դեպ, այս անգամ նրա ուղերձը նվիրված չի եղել քաղաքականությանը կամ տնտեսությանը. նախագահը խոսել է սպորտի մասին: Նա հայտարարել է, որ ինչպես ամբողջ երկիրը` ինքը ևս հպարտանում է Օլիմպիադայում ամերիկացի մարզիկների կրած հաղթանակներով:
