Ինչ էլ որ պատահի հանրահայտ մարդկանց կյանքում, նրանք հաստատ գիտեն, որ արժեքավոր խորհուրդով իրենց կօգնեն հավատարիմ ընկերները: Հոլիվուդի ամենաընկերասեր աստղային զույգերին առանձնացրել է Ria Novosti-ն:
Ռոբերտ Դաունի կրտսեր-Մել Գիբսոն
Ռոբերտ Դաունի կրտսերը Մել Գիբսոնի հետ ընկերացել է «Air America» ֆիլմի նկարահանումների ժամանակ, 1990 թվականին: Վերջին 20 տարիներին նրանք միմյանց օգնության ձեռք են մեկնել կյանքի դժվար պահերին:
Սկանդալի ընթացքում, որը ծագել էր Մել Գիբսոնի նախկին կնոջ՝ Օքսանա Գրիգորևնայի մերկացումից հետո, Ռոբերտ Դաունի կրտսերը ընկերոջ կողքին է կանգնել: American Cinematheque Award մրցանակաբաշխության ժամանակ Ռոբերտը հանրությանը խնդրել էր Մելին ևս մեկ հնարավորություն տալ:
«Air America» և «Chaplin» ֆիլմերի հաջողությունից հետո, որոնցում Դաունին գլխավոր դերով էր հանդես գալիս, դերասանի համար բոլոր դռները բացվեցին, սակայն ալկոհոլն ու թմրանյութերը մթագնեցին նրա կարիերան: Ընկերոջը դժբախությունից դուրս բերելու համար 2003-ին Մելը նրան դեր է առաջարկել իր կողմից պրոդյուսերավորված «Երգող խուզարկուն» ֆիլմում: Մելը վճարել է նրա ապահովագրական պարտավորությունների համար:
Մեթ Դեյմոն-Բեն Աֆլեքը
Մեթ Դեյմոնի և Բեն Աֆլեքի ընկերությունն արդեն անցել է կրակի ու ջրի միջով: Ապագա աստղերը հանդիպել էին դեռևս վաղ հասակում: 1978 թվականին 8-ամյա Դեյմոնը ծանոթացել էր իր հեռավոր բարեկամի՝ Աֆլեքի հետ, որը նրանից երկու տարով փոքր էր ու ապրում էր նույն փողոցում: Այդ պահից նրանց ծանոթութունը վերածվեց ամուր ընկերության: 1984 թվականին Աֆլեքն իր առաջին դերն է խաղացել «Միմիի ճանապարհորդությունը» սերիալում: Երկու տարի անց դերասան դառնալու որոշման մասին հայտնարարել է նաև Դեյմոնը: Այսպիսով՝ նրանք ոչ միայն դարձել են ընկերներ, այլև գործընկերներ: Դերասանները խոստովանում են, որ իրենց ընկերական զույգի «ուղեղը» Մեթն է: Հենց նրան է Աֆլեքը վստահում իր գումարները,որպեսզի մինչև վերջին ցենտը չծախսի: Ընկերությունը նրանց շատ է օգնում աշխատանքում: Նրանք միասին սցենարներ են գրում, հանդիպում նկարահանման հրապարակներում: Նրանք միասին նկարահանվել են մի շարք ֆիլմերում (օրինակ՝«Դոգմա»), միասին նաև գրել «Խելացի Ուիլ Հանթինգը» ֆիլմի սցենարը:
Բրեդ Փիթ-Ջորջ Քլունի
Բրեդ Փիթի և Ջորջ Քլունիի ընկերությունը ծնվել է «Օուշենի 11 ընկերները» ֆիլմի նկարահանումների ժամանակ: Նրանց միավորում է հումորի զգացումը: Հոլիվուդյան ընկերական զույգի ճանապարհի միակ խոչընդոտը Անջելինա Ջոլին է: Քլունին չի հավանում ընկերոջ կնոջը: Ջոլին բազմիցս ասել է, որ Քլունին հիմար ազդեցություն է ունենում ամուսնու վրա, սակայն դա չէր կարող ազդել իսկակական ընկերության վրա:
Լեոնարդո դի Կապրիո-Թոբի Մագուայր
Լեոնարդո դի Կապրիոն և Թոբի Մագուայրը ծանոթացել են 90-ականներին՝ սերիալներից մեկի քասթինգի ժամանակ: Նրանք մինչ օրս չեն փոխել իրենց սովորությունը՝ միասին են անցկացնում ազատ ժամանակը: Նրանք ոչ միայն միասին ընթրում են, այլև երեկույթների գնում, ընկերուհիների հետ հանգստանում կղզիներում:
Թոմ Կրուզ-Դեվիդ Բեքհեմ
Բեքհեմները Թոմ Կրուզի հետ ծանոթացել են դեռևս այն ժամանակ, երբ Դեվիդը խաղում էր իսպանական «Ռեալում»:Երբ Բեքհեմները տեղափոխվեցին Լոս-Անջելես, Կրուզի և նրա կնոջ՝ Քեթի Հոլմսի հետ շփումն ավելի սերտացավ: Կրուզը կնոջ հետ այցելում էր Դեվիդի մասնակցությամբ ֆուտբոլային խաղերին: Մարզիկն իր հերթին Կրուզի համար մշակել էր կազմվածքը պահպանելու վարժությունների ծրագիր: Տեղեկություններ կան, որ Կրուզը փորձել է ընկերներին գցել սայենտոլոգիա աղանդավորական ցանցը, բայց Վիկտորիան անմիջապես հայտարարել է, որ ինքը չի պատրաստվում այդ անիմաստության վրա գումար ծախսել: Դեվիդը կտրականապես դեմ հանդես չի եկել սայենտոլոգիային և հանուն ընկերոջ՝ կլորիկ գումար նվիրաբերել այդ շարժմանը:
Կիրա Նայթլին-Սիեննա Միլլեր
Դերասանուհիներ Կիրա Նայթլիի և Սիեննա Միլերի ընկերությունը սկսվել է դեռ 2008 թվականին «Արգելված սերը» մելոդրամայի նկարահանումների ժամանակ: Հերոսուհիների էկրանային սերը տեղափոխվել է իրականություն: Կիրա Նայթլին համեղ պատարստելու վարպետ է: Ընկերուհիները հաճախ միավորվում են՝ համտեսելու Կիրայի պատրաստած նորույթները: Դերասանուհիները միմյանց հետ կիսում են ոչ միայն ուրախությունը, այլև հիասթափությունը, միմյանց խորհուրդներ տալիս: Սիեննա Միլերը խոստովանում է, որ Նայթլին ավելի իմաստուն է ու գործնական, քան ինքը:
Ջենիֆեր Էնիսթոն-Քորթնի Քոքս
Դերասանուհիները ընկերացել են «Ընկերները» կատակերգության նկարահանոմնեի ժամանակ:Ի տարբերությունը Քոքսի, ֆիլմի նկարահանումների ավարտից հետո, Էնիսթոնը ձգտեց և դարձավ А դասի դերասանուհի: Բրեդ Փիթի հետ ամուսնանալով նրա փայլն ավելացավ, սակայն ամուսանլուծությունը նրան շատ կոտրեց: Այդ ողջ ընթացքում Քոքսը գտնվել է ընկերուհու շվաքի տակ, սակայն նրան ծանր պահին աջակցել:2004 թվականին Էնիսթոնը դարձել է Քոքսի աղջկա կնքամայրը: Ընկերուհիները սիրում են միմյանց թանկ նվերներ մատուցել: Մասնավորապես նշենք, որ Քոքսը Էնիսթոնին նվիրել է 12 հազար դոլար արժողությամբ Chanel հեծանիվ:
Բեյոնսե-Գվինեթ Փելթրոու
Ամերիկացի դերասանուհի Գվինեթ Փելթրոուն չի պատկերացնում իր կյանքն առանց լավագույն ընկերուհու՝ Բեյոնսեի: Փելթրոուն չի դադարում հիանալ նրանով՝ Բեյոնսեին համարելով մոլորակի ամենատաղանդավոր աղջիկը: Երկուսն էլ անկեղծ խոստովանում են, որ հանդիսանում են միմյանց ստեղծագործությունների երկրպագուներ: Ընկերուհիներին միավորում է շոփինգի նկատմամբ սերը: Վաղուց արդեն նրանց է պատկանում Հոլիվուդի ամենաոճային կանանց փառքը: Վերջին շրջանում նրանց էլ ավելի է մտերմացել եվս մեկ թեմա՝ երեխաները: Երբ Բեյոնսեն երեխայի էր սպասում, փոքրիկի կնքամոր մասին մտածելն անգամ ավելորդ էր: Պատասխանը ակնհայտ էր: Իր հերթին Գվինեթը նրան օգնել է օգտակար խորհուրդներով: Ընկերուհիները նույնիսկ հանելուկային զուգադիպությամբ ընտրել են երաժիշտ ամուսիններ. Փելթրոուի ամուսինը Քրիս Մարտինն է, իսկ Բեյոնսեինը՝ Jay-Z -ն(Շոն Կարտեր):
Եվա Մենդես-Լիվ Թայլեր
Դերասանուհիներն ապրում են տարբեր քաղաքներում՝ Լիվը Նյու-Յորքում, Եվան՝ Լոս-Անջելեսում, սակայն դա նրանց չի խանգարում մշտապես կապի մեջ լինել: Աղջիկները շատ ընկերական են: Եթե նկարահանման գրաֆիկները թույլ են տալիս, նրանք միասին այցելում են Միլանի և Փարիզի Նորաձևության շաբաթներ:շ
Թեյլոր Սվիֆթ-Էմմա Սթոուն
Քանթրի ոճի երգչուհի Թեյլոր Սվիֆթի ու դերասանուհի Էմմա Սթթունի ընկերությունը ամենաամուրն է Հոլիվուդում:Ոչինչ և ոչ ոք չի կարող նրանց բաժանել: Ինչպես մյուս աստղային ընկերական զույգներին, նրանց ևս կարելի է տեսնել նորաձևության ցուցադրություններին, շոփինգ անելիս: Սվիֆթը բաց չի թողնում Սթոունի պրեմիերաները, իսկ Էմման՝ Թեյլորի համերգները: Աղջիկները բազմաթիվ ընդհանուր հետաքրքրություններ ունեն: Նրանք երկուսն էլ սիրում են Բիթլզ խմբին և Չառլի Չապլինի «Մեծ քաղաքի կրակները» ֆիլմը:2008 թվականին Էմման ստացել է «Երիտասարդ Հոլիվուդ» մրցանակ ՝ «Հիասքանչ նոր դեմք» անվանակարգում: Նրան առաջինը շնորհավորել է Թեյլորը:Սվիֆթը հաճախ է խոստովանում, որ շնորհակալ է ճակատագրին, որ նման ընկերուհի ունի:
Թարգմանությունը` Աննա Անտոնյանի
