«Ակնհայտ է, որ Հայաստանում կա բռնի մթնոլորտ՝ կապված ընտրական գործընթացների հետ, դրա վառ օրինակը Էջմիածնում տեղի ունեցածն է: Թեկնածուին առևանգում են, բռնություն են կիրառում, մահամերձ տեղափոխում են հիվանդանոց և հաղթում են ընտրություններում. գուցե «Հարապետականը նոր մի գիծ է որդեգրել, որ այսպես ավելի հեշտ է հաղթել ընտրական գործընթացում: Եթե այդպիսի գործողությունները անպատիժ են մնում և չեղյալ չեն համարվում ընտրությունները, երբ թեկնածուներից մեկը չի կարող մասնակցել ընտրությանը, սա նշանակում է, որ անպատժելիությունը ընտրական գործընթացի առանցքն է», «Առաջին լրատվական»-ի հետ զրույցում այս մասին ասաց իրավապաշտպան Ժաննա Ալեքսանյանը:
«Մանվել Գրիգորյանի որդին խոսում էր, ինքն իրեն օրենք էր զգում, դեռ տուժածների մասին ասում էր, որ ժամանակին նրանց հարցերը չի լուծել, այսինքն՝ իրեն տեր ու տիրկալալ է զգում, այդ տգետ ընտանիքը, Մանվել Գրիգորյանը ունի հատուկ կարգավիճակ, որը նրան շնորհել է Սերժ Սարգսյանը՝ ինչ ուզենա, անի Էջմիածնում:
Մեր սուրբ քաղաքը ապականվել է մի քանի տխրահռչակ գեներալների «շնորհիվ»: Նրանք ազատություն ունեն մարդկանց ծեծելու, տեղափոխելու հիվանդանոց, զենք գործադրելու, կրակելու… և իրավապահ մարմինները բավարար գնահատական չեն տվել»,- նշեց իրավապաշտպանը՝ հավելելով, որ անպատժաելիության մթնոլորտի հետևանքով են մյուս տեղերում բռնությունները կրկնվում:
Մանրամասները՝ տեսանյութում:
