«Եկեք համաձայնենք, որ եթե այսօր ունենք աշխատատեղեր, գործարարներն են ապահովում այդ աշխատատեղերը, եթե այսօր ունենք պետական բյուջեի մուտքեր, որից սնվում են նաև բանակը և բոլոր առողջապահական սոցիալական ծրագրերը, ապա այդ բյուջե նրանք են մուծումներ կատարում: Դուք ի՞նչ է, առաջարկում եք կտրել այն ճյուղը, որի վրա նստա՞ծ ես: Ուրիշ բան է, որ ասեք, որ պետք է հարկային քաղաքականության վարչարարությունն ավելի ուժեղացնել, որ նրանք իրենց հարկերը մուծեն, կամ կոչ անել, որ նրանք բարեգործություն իրականացնեն: Բայց կոչ անել, որ մարդկանցից խլել նրանց ունեցածը, դա վատագույն ճանապարհ է, որով առաջարկում են գնալ: Այդպիսի բան որևէ պետության մեջ չի կարելի թույլ տալ»: Այս մասին «Առաջին լրատվական»- ի հետ զրույցում ասաց Սամվել Նիկոյանը:
Նրա խոսքով՝ մեր երկիրն իր բնական հունով պետք է ընթանա, ամեն մեկը պետք է անի իր գործը, պատգամավորը՝ իր գործը, զինվորը՝ իր գործը, տնտեսվարողը՝ իր գործը… «Եթե լարված իրավիճակ է, դա չի նշանակում, որ պետական ինստիտուտները պետք է այլևս չաշխատեն»:
Ս. Նիկոյանը մեզ հետ զրույցում նաև ներկայացրեց նոր Ընտրական օրենսգրքում տեղ գտած որոշ նորամուծությունների, նոր մեխանիզմների վերաբերյալ իր դիտարկումները: «Էականորեն փոխվել է այն, ինչ նախկինում ներկայացվում էր, և ԱԺ քննարկումների արդյունքում այս ԸՕ նախագիծը դեռևս հնարավոր է որոշակի փոփոխությունների ենթարկվի»,- նշեց ՀՀԿ խմբակցության պատգամավորը:
Մանրամասները՝ տեսանյութում:
