Ադոլֆ Հիտլերի 1925 թվականին լույս ընծայված «Մայն քամփֆ» («Իմ պայքարը») գիրքը Երկրորդ համաշխարհային պատերազմի ավարտից հետո առաջին անգամ կվերահրատարակվի 2016 թվականի հունվարին՝ 4000 օրինակով: Այս մասին հայտնում է BBC-ն:
BBC-ի տվյալներով՝ գիրքը կվերահրատարակի Մյունխենում Ժամանակակից պատմության ինստիտուտը: Գրքում տեղ կգտնեն տարբեր փորձագետների մոտ 3.5 հազար մեկնաբանություններ: BBC-ն նաև նշում է, որ տեքստի հասանելիությունը կլինի սահմանափակ՝ հասարակության մեջ նեոնացիստական տրամադրությունների բռնկումից խուսափելու համար:
Ավելի վաղ Գերմանիայի Դաշնային և տարածքային արդարադատության նախարարների համաժողովում որոշվել է, որ Ադոլֆ Հիտլերի գրքի տարածումը Գերմանիայում կարգելվի այս տարվա վերջին՝ հեղինակային իրավունքի գործողության ժամկետի լրանալուց հետո: Ներկայումս Հիտլերի գրքի բոլոր հրատարակումների հեղինակային իրավունքը պատկանում է Բավարիայի կառավարությանը:
