Հարավային Կորեայի ինժեներները սովորեցրել են արհեստական մատնահետքերին զգալ մակերևույթը և ընկալել ձայնային տատանումները, հայտնում է lenta.ru-ն:
Իրենց աշխատանքում ինժեներները փորձել են մարդկային մատների ծայրերի բարձր զգայունությունը ստանալ արհեստական մաշկի դեպքում:
Արհեստական մաշկը իրենից ներկայացնում է երեք շերտ: Առաջինը հանդիսանում է պաշտպանական, իսկ մյուս երկուսը` հաղորդիչ: Պարզվել է, որ առաջին շերտի վրա ազդելով կարելի է փոխել հաջորդ 2 շերտերի միջև հոսանքի ուժը: Մասնավորապես, ճնշումը բարձրացնելիս հոսանքի ուժն ավելանում է, իսկ տաքացման ժամանակ նյութը ընդարձակվում է:
Արհեստական մատնահետքերը նաև սովորել են արձագանքել ձայնային տատանումներին: Դրան գիտնականները հասել են արհեստական մաշկի վերին շերտի գերզգայնության շնորհիվ: Ձայնային տատանումներն առաջացնում են փոքր անհանգստություններ և փոխում հոսանքի ուժը հարջորդ 2 շերտերի միջև:
Հարավային Կորեայի գիտնականներին հաջողվել է տվիչ ստեղծել, որի զգայունությունը գերազանցել է նախորդ արդյունքները: Հաջորդ շրջանում գիտնականները պլանավորում են սովորել արհեստակլան մատնահետքերից ազդանշաններ ուղարկել մկների ուղեղին:
