Նայելով մարդու մազերի վիճակին՝ կարելի է իմանալ, թե նա ինչքան ուժեղ է սթրես տանում, հայտնում է telegraf.com.ua-ն:
Հոլանդացի գիտնականները պարզել են, որ սթրեսի հորմոնի՝ կորտիզոլի մակարդակը կարելի է որոշել մազի անալիզի միջոցով:
Մասնագետները վստահ են, որ մազերը մարդու առողջության վերաբերյալ ինֆորմացիայի արժեքավոր աղբյուր են: Կորտիզոլի մակարդակը օրգանիզմում ավելի լավ է որոշվում մազերով, քան արյան անալիզով:
Հետազոտողները կազմել են կորտիզոլի փոփոխման պատկերը երեք ամիսների ընթացքում՝ ուսումնասիրելով 283 տարեց մարդկանց մազերը: Սթրեսի հորմոնի ցուցանիշը բարձր է եղել այն մարդկանց դեպքում, ովքեր տառապել են սիրտ-անոթային և զարկերակային հիվանդություններից, շաքարախտից, ինսուլտից:
Մազերն ավելի երկար են պահում ինֆորմացիան այն մասին, թե ինչպես է ժամանակի ընթացքում փոփոխվում կորտիզոլի քանակը: Դրանց անալիզը ամենալավ մեթոդն է, որը հնարավորություն է տալիս բավականին ճիշտ գնահատել հիվանդության զարգացման հնարավորությունը:
