Բրիտանացի սուպերմոդելՆաոմի Քեմփբելը, որը մոտ 30 տարի նվիրել է մոդելային բիզնեսին, խոստովանել է, որ կյանքը նորաձևության ինդուստրիայում նշանակում է ոչ միայն շքեղություն, այլև միայնություն: 44-ամյա Նաոմին այս մասին պատմել է Look ամսագրի հետ հարցազրույցում:
Հագեցած աշխատանքային գրաֆիկի պատճառով Քեմփբելը ավելի շատ ժամանակ է անցկացնում իր «նորաձևության» ընտանիքի հետ:
Վերջերս մեկ այլ պարբերականի՝ Edit-ին տված հարցազրույցում էլ խոստովանել էր, որ հարազատների հետ ավելի քիչ է շփվում, քան ոլորտի առաջատարների: Նրա խոսքով՝ Ազեդդինը (Ալայա) կարծես լինի իր հայրը, իսկ Ջաննին (Վերսաչե)՝ եղբայրը:
Սուպերմոդելի խոսքով՝ իր կյանքում եղել է շատ առանձնահատուկ մարդ՝ Նելսոն Մանդելան: Նրա հիշատակին Նաոմին այժմ ձգտում է օգնել այլոց: Մի անգամ Մանդելան նրան ասել է, որ գործի դնի իր հեղինակությունը՝ այլ մարդկանց օգնելու համար:
Ինչպես հիշեցնում է թերթը, Քեմփբելը գումար է նվիրաբերել «Քեթրին» փոթորկից և Հայիթիի երկրաշարժից տուժածներին, իր ներդրումն արել Էբոլայի դեմ պայքարում՝ գործարկելով Fashion For Relief արշավը:
