«ԱրմենՏել» ընկերությունը (ապրանքանիշը Beeline) հայտարարում է ռոումինգում գտնվող Beeline բջջային կապի բաժանորդների համար «Թեժ ամառ» ծառայության մեկնարկի մասին: Ծառայությունը հնարավորություն է տալիս հաճախորդին գտնվելով ռոումինգում ցանկացած երկրում, ցանկացած օպերատորի ցանցում ստանալ զանգեր 0 դրամ սակագնով` խոսակցության առաջին երկու րոպեների ընթացքում: 3-րդ րոպեից սկսած մուտքային զանգի արժեքը հաշվարկվում է 400 դրամ/րոպե սակագնով: Ելքային զանգերը հաշվարկվում են համաձայն համապատասխան սակագնային գոտու:
«ԱրմենՏել» ընկերությունը մաս է կազմում «ՎիմպելԿոմ» միջազգային խմբի, որը միավորում է կապի օպերատորներին աշխարհի տասնութ երկրներում: Դա հնարավորություն է ընձեռում Հայաստանի կապի միասնական օպերատորին առաջարկել իր հաճախորդներին որակյալ և մատչելի ծառայություններ ոչ միայն երկրի ներսում, այլ նաև սահմաններից դուրս: Ամառային արձակուրդներին ընդառաջ «ԱրմենՏել» ընկերությունն առաջարկում է ռոումինգում գտնվող բաժանորդներին ստանալ զանգեր հարազատներից և բարեկամներից պարզ սակագնով: Նոր ծառայության շնորհիվ «ԱրմենՏել» ընկերության բաժանորդներն աշխարհի ցանկացած երկրում կարող են էապես խնայել մուտքային զանգերի հաշվին», – նշեց «ԱրմենՏել» ՓԲԸ Գլխավոր տնօրեն Իգոր Կլիմկոն:
«Թեժ ամառ» ծառայությունից կարող են օգտվել Beeline բջջային կապի հետվճարային և կանխավճարային համակարգերի բաժանորդները, նախապես ակտիվացնելով ռոումինգ ծառայությունը: «Թեժ ամառ» ծառայությունը կարելի է միացնել հավաքելով *555# վճարովի հրահանգը: Ծառայության գործողության ժամկետը 7 օր է:
Ծառայության, ինչպես նաև միջազգային ռոումինգի վերաբերյալ մանրամասն տեղեկատվություն կարելի է ստանալ www.beeline.am կայքում:
