Ամերիկյան Facebook սոցիալական ցանցի ղեկավարությունը կարծում է, որ բորսա դուրս գալուց հետո ընկերության արժեթղթերի գնանկման վրա ազդել են տեխնիկական խնդիրները, որոնք տեղի են ունցել NASDAQ ֆոնդային բորսայի առևտրային համակարգում աճուրդի հենց առաջին օրը: ITAR-TASS-ի փոխանցմամբ` այս մասին նշված է Facebook-ի` Նյու Յորքի դաշնային դատարան ուղարկված միջնորդության մեջ:
Դրանում սոցցանցն ու Ուոլ-Սթրիթի առաջատար ներդրումային բանկերը` Morgan Stanley, Goldman Sachs, JPMorgan Chase, որոնք նույնպես կատարել էին բաժնետոմսերի առաջնային տեղաբաշխում, դատարանին խնդրում են մեկ գործի շրջանակում քննել ավելի քան 40 հայցերը` ուղղված նրանց դեմ:
Ավելի վաղ ամերիկյան ԶԼՄ-ները հայտնել էին, որ մինչ աճուրդի սկսելը` Morgan Stanley-ն ու Goldman Sachs-ը սոցցանցի ղեկավարության հետ մի շարք հանդիպումներից հետո նվազեցրել էին իրենց կանխատեսումները դրա եկամուտների մասին` ընթացիկ տարվա երկրորդ եռամսյակի 2012թ. արդյունքներով, սակայն այդ մասին հայտնել էին միայն խոշոր հաճախորդների փոքր մասին:
Ներդրումային բանկերի վերլուծաբանների կարծիքով` սոցցանցի քիչ եկամուտները հետագայում պայմանավորված կլինեն նրանով, որ ընկերությունը դեռ չի սովորել օգուտ քաղել սոցցանցի աճող օգտատերերի քանակից, որոնք մատչում են ստանում սոցցանցին բջջային հեռախոսների միջոցով ու ոչ թե համակարգիչների:
Մինչ այդ Facebook-ը դատարան ներկայացված փաստաթղթերում պնդում է, որ բանկերին հայտնել է ցածր կանխատեսումների մասին` դրա մասին տեղյակ չպահելով միայն ԱՄՆ բորսաների ու արժեթղթերի հանձնաժողովին, ինչը չի համարվում օրենքի խախտում:
