ԱՄՆ փոխնախագահի պաշտոնում առավել գերադասելի թեկնածու ընտրողները համարում են նախկին պետքարտուղար Քոնդոլիզա Ռայսին: Ինչպես այսօր տեղեկացրել է լոնդոնյան The Independent թերթը, հղում անելով հասարակական կարծիքի սոցհարցման արդյունքներին, որն անցկացվել է CNN հեռուստաալիքի պատվերով, Ռայսի օգտին արտահայտվել է հանրապետության ընտրազանգվածի 26 %-ը:
Երկրորդ տեղում 21 %-ով գտնվում է Փենսիլվանիա նահանգի նախկին սենատոր Ռիք Սանթորումը, ով անցած շաբաթ դուրս է եկել նախընտրական պայքարից` Ռոմնիին,փաստորեն, դարձնելով հանրապետականների միակ թեկնածուն:
Երրորդ տեղը՝ 14%-ով, կիսում են Ֆլորիդա նահանգի սենատոր Մարկո Ռուբիոն և Նյու Ջերսիի նահանգապետ Քրիս Քրիստին:
Ներկայումս 57-ամյա Քոնդոլիզա Ռայսը Սթենֆորդի համալսարանի բիզնեսի և տնտեսության գլոբալ կենտրոնի տնօրենն է: Սթենֆորդում Ռայսը մինչ ԱՄՆ նախագահի ազգային անվտանգության հարցով խորհրդական նշանակվելն աշխատել է որպես պրոռեկտոր և քաղաքական գիտությունների պրոֆեսոր:
