Կապանի և Մեղրու տարածաշրջաններն ընդգրկող թիվ 38 ընտրատարածքում մեծամասնական ընտրակարգով ինքնառաջադրած պատգամավորի թեկնածու անկուսակցական Հայկ Բարսամյանը, ում հետ տարածաշրջանի բնակիչներն այդպես էլ չհասցրեցին ծանոթանալ, ինքնաբացարկի դիմում է ներկայացրել ԿԸՀ, որը պետք է քննարկվի այսօրվա նիստում:
Հայկ Բարսամյանը «Կապմատ» ՍՊԸ տնօրենն է և անծանոթ դեմք էր ընտրազանգվածի համար: Ի դեպ, սա ինքնաբացարկի առաջին դիմումն է թիվ 38 ընտրատարածքից:
Ըստ թիվ 38 ԸԸՀ նախագահ Սերգեյ Սարգսյանի` տվյալ ընտրատարածքում մեծամասնական ընտրակարգով առաջադրված թեկնածուներից և ոչ մեկն ինքնաբացարկի դիմում դեռ չեր ներկայացրել:
Ի դեպ, Սյունիքի մարզի Կապան, Քաջարան, Մեղրի, Ագարակ քաղաքները և գյուղերն ընդգրկող թիվ 38 ընտրատարածքում, բացի Հայկ Բարսամյանից առաջադրվել է ևս 4 թեկնածու` ՀՀԿ ներկայացուցիչ, ԱԺ պատգամավոր Վահե Հակոբյանը, ՀՅԴ-ից` ԱԺ պատգամավոր Գագիկ Գևորգյանը, ինքառաջադրված, անկուսակցական Դավիթ Մաթևոսյանը, միակ կին ներկայացուցիչ, անկուսակցական Նարինե Մովսիսյանը: Սպասվում է, որ հիմնական պայքարը պետք է ընթանա պատգամավորներ Վահե Հակոբյանի և Գագիկ Գևորգյանի միջև:
