ԱՄՆ նախագահ Բարաք Օբաման և Թուրքիայի վարչապետ Ռեջեփ Թայիփ Էրդողանը համաձայնել են սիրիական ընդդիմությանը տրամադրվող օգնության մեծացման անհրաժեշտության հետ:
«Մենք աշխատել ենք համատեղ ձևաչափերի վրա, որոնք վերաբերում են Սիրիային հումանիտար օգնության տրամադրմանը և Քոֆի Անանի ջանքերին՝ ուղղված Սիրիայում անհրաժեշտ վերակառուցումների իրականացմանը»,- ասել է ԱՄՆ նախագահ Բարաք Օբաման Թուրքիայի վարչապետ Ռեջեփ Թայիփ Էրդողանի հետ հանդիպման ավարտից հետո:
Երկու ղեկավարները ժամանել են Հարավային Կորեա` մասնակցելու մարտի 26-27-ը կայանալիք միջուկային անվտանգության գագաթնաժողովին:
Ավելի ուշ անվտանգության հարցերով ԱՄՆ նախագահի խորհրդական Բեն Ռոդեսը լրագրողներին հայտնել է, որ ԱՄՆ-ը և Թուրքիան պատրաստ են դիտարկել սիրիական ընդդիմությանը տրամադրվելիք ոչ ռազմական օգնության հարցը, որն իր մեջ ներառելու է դեղորայք և կապի միջոցներ:
