ԱՄՆ և ԵՄ անվտանգության հարցերով փորձագետները կարծիք են հայտնում, որ Իրանը մեծապես աջակցում է Սիրիայի նախագահ Բաշար Ալ-Ասադին` ապստամբներին ճնշելու հարցում: Իրանը Սիրիային մատակարարում է բարձր տեխնոլոգիական հետախուզական սարքավորումներ, զենք և սպառազինություն: Բացի այդ, Իրանը Սիրիային է փոխանցել էլեկտրոնային հետախուզման սարքեր և անօդաչու ինքնաթիռներ:
Reuters գործակալությանը տված հարցազրույցում մի անանուն աղբյուր նշել է, որ «Իրանն արդեն մեկ տարի է` օգնում է Բաշար Ալ-Ասադին իշխանության մնալու: Վերջին երկու ամսվա մեջ Իրանը սկսել է Սիրիա մատակարարել հրացաններ, զինվորական հանդերձանք և այլ զինվորական սարքավորումներ, որպեսզի նրանք պայքարեն ընդդիմության դեմ»:
Այդ աղբյուրն ասել է նաև, որ իրանցի փորձագետները ժամանել են Սիրիա, որտեղ հրահանգավորումներ են կատարել Բաշար Ալ-Ասադի մերձավորների համար, որոնք դեռ գտնվում են Սիրիայում:
Միաժամանակ, եվրոպացի և ամերիկացի փորձագետներն ասել են, որ սիրիական ընդդիմությունը անկազմակերպ է և մասնատված, և Սիրիայի ժողովրդի որոշ մասի կողմից Բաշար Ալ-Ասադի նկատմամբ եղած աջակցությունը չի նվազում:
