Եգիպտոսի արտաքին գործերի նախարարության և օդանավակայանի աղբյուրների հաղորդմամբ՝ Իսրայելը Եգիպտոսից ինքնաթիռներ ուղարկելու թույլտվություն է խնդրել՝ Կահիրեի իր դեսպանատնից իրերը հանելու համար: Ինչպես հաղորդում է Reuters-ը, սա ևս մեկ ապացույցն է այն բանի, որ անցած տարի Հոսնի Մուբարաքի` իշխանությունից զրկվելուց հետո երկու երկրների միջև հարաբերությունները վատթարանում են:
Դեռևս պարզ չէ, թե որն է Իսրայելի որոշման պատճառը, բայց հիշեցնենք, որ Եգիպտոսի խորհրդարանական հանձնաժողովը անցած շաբաթ հայտարարություն էր տարածել, որով պահանջում էր Իսրայելի դեսպանին հեռացնել Կահիրեից և վերանայել Իսրայելի հետ ունեցած հարաբերությունները:
Հայտնի չէ նաև, թե արդյոք Իսրայելը պատրաստվո՞ւմ է հեռացնել դեսապանատան անձնակազմին ևս, թե՞ ոչ: Իսրայելի արտգործնախարարությունը առայժմ զերծ է մնում մեկնաբանություններից:
