«Ո՛չ մեծամասնական ընտրակարգին» ակցիան ԱԺ-ի առջև ավարտվեց:
ԱԺ-ից դուրս եկավ ՀՅԴ խմբակցության ղեկավար Վահան Հովհաննիսյանը և դիմեց ակցիայի ընդդիմադիր մասնակիցներին: Նա տեղեկացրեց,որ մեծամասնական և համամասնական ընտրակարգի վերաբերյալ քվեարկություն Ազգային ժողովում տեղի կունենա վաղը՝ ժամը 12.00-ին, քանի որ այսօր Ազգային ժողովում պատգամավորները շատ քիչ էին: Վ. Հովհաննիսյանը նշեց, որ արդեն իսկ նախատրամադրվածություն կա մեծամասնականի, սակայն, միևնույն է, պայքարը շարունակվում է:
Վահան Հովհաննիսյանի հայտարարությանը միացավ ՀԱԿ համակարգող Լևոն Զուրաբյանը` հորդորելով ակցիայի մասնակիցներին ներակայանալ Ազգային ժողովի շենքի առաջամաս նաև առավոտյան 12.00-ին՝ Ազգային ժողովում մեծամասնական և համամասնական ընտրակարգի վերաբերյալ քվեարկության ժամանակ:
Ակցիան ավարտվեց։ «Ժառանգություն», ՀՅԴ, ՀԱԿ ընդդիմադիր ուժերի ներկայացուցիչները հեռացան՝ վաղը վերադառնալու և պայքարը շարունակելու վճռականությամբ:
