Ռուսական Regnum լրատվական գործակալության փոխանցմամբ, Թուրքիայում իշխող «Արդարություն և զարգացում» կուսակցությունը (ԱԶԿ) ներկայացնող պատգամավոր Մուսթաֆա Քաբաքջըն անդրադարձել է Ռուսաստանի հայ համայնքի նախաձեռնած այն կամպանիային, որն ուղղված է Հայոց ցեղասպանության հերքման քրեականացմանը Ռուսաստանում։
Քաբաքջըն վստահություն է հայտնել, որ Ռուսաստանը չի հետևի Ֆրանսիայի օրինակին և Պետդումայի օրակարգ չի մտցնի Հայոց ցեղասպանության հերքումը քրեականացնելու հարցը. «Ռուս-թուրքական հարաբերությունները բարձր մակարդակի վրա են, ոչ ոքի չի հաջողվի ստվեր գցել դրանց վրա։ Բացի այդ, երկու երկրների վարչապետներ Ռեջեփ Էրդողանն ու Վլադիմիր Պուտինն ունեն հիանալի փոխհարաբերություններ։ Դրա համար էլ չեմ կարծում, թե հայերի այդ նախաձեռնությունն աջակցության կարժանանա Պետդումայի կողմից»։
