Ադրբեջանական APA գործակալության փոխանցմամբ՝ այսօր 18 երկաթուղային վագոնով Հայաստան է տեղափոխվել 971 տոննա ԱԻ-92 մակնիշի բենզին, ինչպես նաև 8 վագոնով՝ 467 տոննա դիզելային վառելիք։
Ընդհանուր առմամբ, մատակարարումների մեկնարկից ի վեր Ադրբեջանը Հայաստան է արտահանել ավելի քան 14 հազար տոննա դիզելային վառելիք և ավելի քան 4 հազար տոննա ԱԻ-92 և ԱԻ-95 մակնիշների բենզին։
Բացի ուղղակի մատակարարումներից՝ Ադրբեջանի տարածքով Ռուսաստանից Հայաստան է իրականացվել նաև տարանցիկ բեռնափոխադրումների զգալի ծավալ․ մասնավորապես՝ տեղափոխվել է ավելի քան 34 հազար տոննա հացահատիկ, մոտ 8 հազար տոննա պարարտանյութ, ինչպես նաև ալյումին, հնդկաձավար և անտրացիտ։
