Ասիական ֆոնդային շուկաները ցույց են տվել անկայուն վարքագիծ՝ տեխնոլոգիական և կիսահաղորդչային ընկերությունների բաժնետոմսերի համաշխարհային վաճառքից հետո։ Վերլուծաբանները զգուշացնում են, որ շուկաներում կարող է կրկին աճել տատանողականությունը։
Ճապոնիայից դուրս Ասիա-խաղաղօվկիանոսյան տարածաշրջանի լայնածավալ MSCI ինդեքսը նվազել է 0,02%-ով։ Հարավկորեական շուկան, որը երեքշաբթի օրը կտրուկ ընկել էր 10%-ով (ամենամեծ անկումը մարտից հետո), այս անգամ աճել է 2,2%-ով։ Ճապոնիայի Nikkei ինդեքսը նույնպես տատանվել է՝ սկզբում աճելով, հետո նվազելով, և վերջում ընկել է մոտ 0,8%-ով։
Վերլուծաբան Մայքլ Մաքքարթին նշել է, որ վերջին օրերին շուկաներում գների շարժը շատ անկայուն է․ և՛ անկումները, և՛ աճերը տեղի են ունենում արագ ու կտրուկ, ինչը վկայում է բարձր ռիսկի մասին։
Միևնույն ժամանակ, Ուոլ Սթրիթում նույնպես նկատվել է զգուշավորություն․ ԱՄՆ բաժնետոմսերը նվազել են, քանի որ մտահոգություններ կան արհեստական բանականության ոլորտում մեծ ծախսերի և Դաշնային պահուստային համակարգի հնարավոր խիստ քաղաքականության վերաբերյալ։ Ներդրողները ավելի շատ սկսել են դիմել անվտանգ ակտիվների, ինչի հետևանքով պետական պարտատոմսերի եկամտաբերությունը նվազել է։
ԱՄՆ հիմնական ինդեքսները փակվել են անկմամբ․ Dow Jones-ը նվազել է 0,09%-ով, S&P 500-ը՝ 1,4%-ով, իսկ Nasdaq-ը՝ 2,2%-ով։ 10-ամյա պետական պարտատոմսերի եկամտաբերությունը նույնպես փոքր-ինչ նվազել է՝ հասնելով մոտ 4,49%-ի։
