Թուրքիայի նախագահ Ռեջեփ Թայիփ Էրդողանն արձագանքել է տեղական ընտրություններում իշխող «Արդարություն և զարգացում» կուսակցության պարտությանը։ Նա խոստովանել է, որ իր գլխավորած կուսակցությունը չի կարողացել ցանկալի արդյունքների հասնել մարտի 31-ին կայացած տեղական ինքնակառավարման մարմինների ընտրություններում:
«2023 թվականի մայիսին կայացած համընդհանուր և նախագահական ընտրություններում մեր հաղթանակից ինը ամիս անց, ցավոք, մենք չկարողացանք ստանալ այն արդյունքը, որը ցանկանում էինք և հույս ունեինք քաղաքային ընտրություններում»,- ասել է նա՝ ելույթ ունենալով Անկարայում․ Radar Armenia-ն տեղեկացավ թուրքական լրատվամիջոցներից։
«Արդյունքները կվերլուծվեն, մենք դա կանենք ինքնաքննադատորեն և օբյեկտիվորեն». Radar Armenia-ն տեղեկացավ, որ Էրդողանը ընտրությունները ժողովրդավարության արժանի է անվանել․ «Ժողովուրդը քվեատուփերի միջոցով մեզ է փոխանցել իր ուղերձը, իր կամքն ու նախազգուշացումները»։
Էրդողանը հայտարարել է, որ ինքն ու իր կուսակցությունը չեն անտեսի կամարտահայտման արդյունքները․ «Մենք չենք անտեսելու մեր ազգի որոշումը, չենք գործելու Նրա կամքին հակառակ և կասկածի տակ ենք դնելու այն․․․Մենք անելու ենք անհրաժեշտ ամեն ինչ, որպեսզի հնարավորինս ճշգրիտ և օբյեկտիվ վերլուծենք այն ուղերձները, որոնք ազգը տվել է մեզ ընտրություններում: Մենք ևս մեկ անգամ խոստում ենք տալիս մեր ժողովրդին և ողջ Թուրքիային։ Մենք կաշխատենք անխոնջ, որպեսզի բարձրացնենք մեր 85 միլիոն քաղաքացիներից յուրաքանչյուրի բարեկեցությունը, ամրապնդենք խաղաղությունը, անվտանգությունն ու հույսերը»:
