44-օրյա պատերազմից հետո մարդկանց հոգեբանությունը փոխվեց պարտվողի։ «Առաջին լրատվական»-ի հետ զրույցում նշեց ԵՊԲՀ բժշկական հոգեբանության ամբիոնի վարիչ բժշկական հոգեբանության ամբիոնի վարիչ , «ԻՆԹՐԱ» հոգեկան առողջության կենտրոնի ղեկավար Խաչատուր Գասպարյանը։
Գասպարյանի խոսքով՝ պարտված հոգեբանությամբ մարդիկ հրաշքի են հավատացել. «Բնական է, որ մարդկանց մոտ լինի կորստի, անարդարության զգացում, որոնք առաջացնում են տրավմատիկ հիշողություններ։ Տրավմատիկ հիշողությունները հանգիստ չեն թողնում մարդկանց։ Հոգեբանների «բանակն» այսօր միաբանված է, որ օգնենք մեր հայրենակիցներին։ Ազգովի սգի հոգեբանական վիճակում ենք։ Սա վերջը չէ, պետք է համախմբվենք։ Ժամանակն է համախմբվել ու որոշել՝ ինչ ապագա ենք ուզում սերունդների համար»։ Հոգեբանը կարծում է, որ զենքը վայր ենք դրել Արցախում, բայց լուրջ պաշտպանական խնդիր ունենք լուծելու Հայաստանում. «Արժանապատիվ խաղաղության հասնելու համար պետք է ունենանք ազգային տեսլական»։
