Նախօրեին «Մեծ պատմություն փոքր քաղաքում» միջոցառման շրջանակներում կայացավ հանդիպում քննարկում Ֆիլիպ Մորրիս ընկերության «PMI Science» գիտահետազոտական կենտրոնի գործադիր կառավարիչ Վահե Դանիելյանի, «Ապագա հայկականը շարժման համանախաձեռնող Ռուբեն Վարդանյանի ու Հայաստանի գիտության և տեխնոլոգիաների հիմնադրամի (FAST) հիմնադիր տնօրեն Արմեն Օրուջյանի հետ։
«Հայաստանում կան խնդիրներ գիտության զարգացման հետ, թեև ունենք գիտական փայլուն ժառանգություն, բայց ամեն տեղ չէ, որ այդ ժառանգությունը մնացել է այն մասշտաբով, որ կարողանանք հետազոտություններ իրականացնել, ուստի ձևավորվել է էկոհամակարգի գաղափարը», – ասում է Ֆիլիպ Մորրիս ընկերության «PMI Science» գիտահետազոտական կենտրոնի գործադիր կառավարիչ Վահե Դանիելյանը։
PMI Science գիտահետազոտական կենտրոն
Ապագա հայկականի, ինչպես նաեւ կրթության ու գիտության առաջնահերթության քննարկմանը նվիրված միջոցառման կազմակերպումը Ֆիլիպ Մորրիսի PMI Science կենտրոնում պատահական չէր։ Իր աշխատանքի 4 տարիների ընթացքում Պոլիտեխնիկական համալսարանի տարածքում հանգրվանած PMI Science գիտահետազոտական կենտրոնն արդեն հասցրել է համագործակցության հիմքեր դնել հայաստանյան ինստիտուտների եւ հետազոտական կենտրոնների 120 գիտնականների հետ։ Ներկայում կենտրոնում աշխատում է 19 հայ գիտնական, ովքեր Ֆիլիպ Մորրիսի շվեյցարական կենտրոնի հետ համատեղ աշխատում են տվյալագրտության, տեխնոլոգիաների, նյութաբանության ու այլ ուղղություններով։
PMI Science-ն ունի ուսումնական եւ գիտահետազոտական լաբորատորիաներ՝ հագեցված ժամանակակից սարքավորումներով, ինչը մեկ հարկի տակ է հյուրընկալում համապատասխան ուղղությունների ուսանողներին եւ դասախոսներին։
Ապագա Հայկականը
«ԱՊԱԳԱ ՀԱՅԿԱԿԱՆԸ» հանրային նախաձեռնություն է՝ մեկնարկած հայերի և ամբողջ աշխարհից Հայաստանի բարեկամների կողմից, որի նպատակն է ստեղծել Հայաստանի և հայ ազգի կայուն զարգացման շուրջ համընդհանուր գիտակցություն և փոխըմբռնում: Յուրաքանչյուր անձ կարող է ներգրավվել, դառնալով ներկայացված 15 նպատակների ցանկի համանախաձեռնող, մասնակցել «ԱՊԱԳԱ ՀԱՅԿԱԿԱՆԸ» ծրագրի ԻՆՉ-երի և ԻՆՉՊԵՍ-ների քննարկումներին և հավաքականորեն ծրագրել հետագա քայլերը:
FAST հիմնադրամ
FAST-ը կառուցում է նորարարության էկոհամակարգ` Հայաստանում և վերջինիս սահմաններից դուրս գիտնականներին, տեխնոլոգներին և նորարարներին համաշխարհային ասպարեզում հաջողության հասնելու համար: Կենտրոնանալով ձեռնարկատիրական գործունեության վրա՝ FAST- ը նորարարներին հնարավորություն է տալիս կյանքի առևտրային կենսունակ և գլոբալ մրցակցային լուծումներ կյանքի կոչել:
Առավել մանրամասն՝ տեսանյութում:
