Անցած օրվա ընթացքում Հնդկաստանում հայտնաբերվել է COVID-19-ի 196,427 դեպք: Սա ապրիլի 14-ից ի վեր ամենացածր ցուցանիշն է։ Այս մասին մայիսի 25-ին հայտնել է երկրի առողջապահության նախարարությունը:
Նախարարության վերջին տվյալների համաձայն՝ երկրում COVID-19 դեպքերի ընդհանուր թիվը գերազանցել է 26,9 միլիոնը, ապաքինվել է ավելի քան 24 միլիոն մարդ, մահացել է ավելի քան 307 հազար մարդ (օրական +3 511), և բուժում ստացող անձանց թիվը կազմում է 2,5 միլիոն։ Մեկ օրում ապաքինվածների թիվն ավելացել է 326 հազարով:
Հնդկաստանում ավելի քան 198 միլիոն մարդ կամ երկրի բնակչության ավելի քան 14,5% -ը ստացել է COVID-19 պատվաստանյութ: Միայն վերջին 24 ժամվա ընթացքում պատվաստվել է գրեթե 2,5 միլիոն մարդ:
Ինչպես գիտեք, Հնդկաստանը կորոնավիրուսի դեպքերով աշխարհում երկրորդ տեղում է: Ապրիլի 21-ից մայիսի 17-ը նոր դեպքերի թիվը երկրում օրական գերազանցել է 300 հազարը։ Դա շատ ավելին է, քան աշխարհի որևէ այլ երկրում։ Օրական դեպքերի ցուցանիշը 5 անգամ գերազանցել է 400 հազարը:
