ԱՄՆ նախագահ Ջո Բայդենը հետախուզական համայնքին հանձնարարել է լիարժեք վերլուծություն կատարել ռուս հաքերների և Աֆղանստանում ամերիկացի զինվորների սպանության համար «մրցանակների» հետ կապված իրավիճակների վերաբերյալ, ճեպազրույցի ժամանակ հաղորդել է Սպիտակ տան խոսնակ Ջեն Փսակին:
Մասնավորապես, ամերիկացի առաջնորդը հրամայել է վերլուծել ԱՄՆ դաշնային կառավարության համակարգչային ցանցերի վրա լայնածավալ կիբերհարձակումը, 2020 թ. ընտրություններին Ռուսաստանի միջամտությունը և Աֆղանստանում ռազմական անձնակազմի սպանության համար ենթադրյալ պարգևների մասին հաղորդագրությունները:
Ավելի վաղ ԱՄՆ հետախուզական գործակալությունները հայտնել էին, որ կառավարական ցանցերի վրա կիբերհարձակումը «հավանաբար ծագել է Ռուսաստանից»: Կրեմլը հերքում է այս մեղադրանքները:
