Այսօր՝ դեկտեմբերի 7-ին, Ազգային ժողովի «Լուսավոր Հայաստան» խմբակցությունը հրավիրվել է խորհրդարանական լսումներ երկրում ստեղծված ճգնաժամից դուրս գալու հարցով:
Արտակարգ և լիազոր դեսպան Արման Նավասարդյանը հայտարարեց, որ այս 30 տարիների ընթացքում մենք չենք ունեցել և չունենք դիվանագիտության հայեցակարգ. «ԱԳ նախարարը այդպես էլ ներգրավված չեղավ պետական կառավարման մեջ. նրանք ղեկավարության կցորդ են»:
Նա նշեց, որ այսօր դիվանագիտության առջև կանգնած է 3 խնդիր` Արցախ, թուրք-հայկական հարաբերություններ և Եղեռն. «Այս երկու տարվա ընթացքում տապալվեց բազմակողմ դիվանագիտությունը: Մենք չկարողացանք օգտագործել մաքոքային դիվանագիտությունը. դիլետանտիզմը հաղթում է պրոֆեսիոնալիզմին, այս պատերազմի ընթացքում պետք է հետ կանչեին բոլոր դիվանագետներին»:
Նավասարդյանի խոսքով` այս թուղթը, որը համաձայնագիր չէ, իրենից ներկայացնում է մեծ վտանգ ՀՀ պետականության հիմքերին. «Դրա համար պետք է բանակցողների նոր թիմ, այսօրվա մեր ղեկավարը դա չի կարող անել, հետևաբար նա պետք է հեռանա»:
Մանրամասն՝ տեսանյութում:
