«2020 թվականի հուլիսյան դեպքերը ցույց տվեցին, որ մենք պատրաստ ենք պատերազմի Ադրբեջանի հետ, բայց հետագայում պատերազմի մեջ ներգրավվեցին մեծ քանակությամբ վարձկան ահաբեկիչները և Թուրքիան: Եվ սա դարձավ մեր անհաջողության հիմնական պատճառը»,- առցանց ասուլիսի ժամանակ հայտարարեց վարչապետ Նիկոլ Փաշինյանը:
Նրա խոսքով՝ այս զարգացումը կարելի էր կանխել այդ շրջանները հանձնելու դեպքում առանց Լեռնային Ղարաբաղի կարգավիճակի. «Մենք որոշեցինք փորձել պայքարել և այդ պայքարի ընթացքում ստանալ ավելի բարենպաստ պայմաններ: Եվ այդ պայքարի ընթացքում շատ ուժեր, որոնք մեզ մեղադրում են դավաճանության մեջ, մեզ ասում էին՝ հանձնեք: Մենք ասում էինք՝ ոչ, չենք հանձնի այնքան ժամանակ, քանի դեռ կա թեկուզ 1 տոկոս տեսական, գործնական հնարավորություն կռվելու և կռվով ինչ-որ հարց լուծելու: Երբ արձանագրել ենք, որ այլևս չկա նման հնարավորություն, գնացել ենք մյուս ճանապարհով»:
Մանրամասն՝ տեսանյութում:
