Բյուջետային քննարկումները գնահատելու համար պետք է հասկանանք, որ դրանք ունեն որոշակի ցիկլ. Դրա մեջ են մտնում այն, որ միջինժամկետ զարգացման ծրագրերով նախատեսված գերակայությունները քննարկվում են և մայիսի վերջին արդեն ներկայացվում է բոյւջեի նախնական տարբերակը: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Արտակ Մանուկյանը՝ անդրադառնալով դիտարկումներին, թե այսօրվա ներկայացված 2021 թվականի բյուջեի նախագիծը չի արտացոլում այն իրողությունները, որոնք ստեղծվել են Հայաստանում:
«Այդ ցիկլով առաջնորդվելով ֆինանսների նախարարությունը ներկայացրել է բյուջեի տարբերակ: Արդյոք այս նախագիծն րտացոլում է այն իրականությունը, որը ներկա պահին ձևավորվել է այդ նախագիծը կազմելուց հետո: Իհարկե ոչ, և այս մասին մենք ինքներս էլ մտավախություններ ունեինք, որ միգուցե փոփոխված տարբերակ ներկայացվի: Բայց այնպես չէ, որ մի թիվը փոխում ես, ու ամեն ինչ գալիս է այլ իրականություն: Սա ենթադրում է բավականաչափ քրտնաջան աշխատանք,. Տարատեսակ սցենարների քննարկում»,-ասաց նա:
