Ինչպես հաղորդում են իտալական լրատվամիջոցները, Իտալական Լամպեդուզա կղզուց ոչ հեռու ծովափնյա անվտանգության ուժերը հայտնաբերել են նավակ՝ աֆրիկացի 25 փախստականների դիակներով: Մարմինները հայտնաբերել են այն բանից հետո, երբ մոտ 270 փախստական, որոնց թվում՝ 36 կին և 21 երեխա, այդ նավակից տեղափոխվել են այլ նավ:
Նախնական տեղեկություններով՝ նավում գտնվող 25 փախստականները շնչահեղձ են եղել: Կա վարկած, որ նրանք մահացել են ջրազրկումից: Սա առաջին դեպքը չէ, երբ զանգվածային մահեր են արձանագրվում Իտալիայի սահմանների մոտ: Արաբական հեղափոխություններից հետո մարդիկ ավելի մեծ խմբերով են ուղղվում դեպի Եվրոպա՝ հաճախ վատ կազմակերպված ուղևորությունների զոհ դառնալով:
