Նորվեգացի ահաբեկիչ Անդերս Բրեյվիկը, որը երկու ահաբեկչությունների միջոցով առնվազն 93 մարդու կյանք է խլել, 2010թ. այցելել է Բելառուս՝ երկրի քաղաքական ռեժիմը և հատկապես բելառուսների կյանքը և ժողովրդի ռասայական կազմը ուսումնասիրելու համար: Այս մասին Բրեյվիկը գրել է 1500 էջից բաղկացած «Անկախության հռչակագրում», որտեղ ներկայացրել է Նորվեգիայի զարգացման իր տեսլականը:
Բրեյվիկը նաև խոսել է Ռուսաստանի վարչապետ Վլադիմիր Պուտինի մասին՝ նշելով, որ Պուտինը արժանի է հարգանքի. «Պուտինը, կարծես, արդար և համարձակ առաջնորդ է, որն արժանի է հարգանքի»,- գրել է Բրեյվիկը: Անվանելով Պուտինին մի շարք քաղաքական գործիչների շարքում, որոնց հետ նա կցանկանար հանդիպել՝ Բրեյվիկն ավելացրել է, որ «ներկա պահին ինքը վստահ չէ, թե արդյոք նա (Պուտինը – 1in.am) իրենց համար ընկե՞ր է, թե՞ ոխերիմ թշնամի»:
«Նա դժվար է ենթարկվում հոգեվերլուծության… Ես չէի ցանկանա լինել նրա թշնամին, դա վստահ եմ ասում»,- գրել է Բրեյվիկը: Այս մասին հաղորդում է BBC-ն:
