Զիմբաբվեի Վիկտորիա-Ֆոլս քաղաքի բնակչուհին տեսանյութ է հրապարակել, որում երկու ընձուղտ փորձում են անսովոր ձևով դիմակայել միմյանց: Կենդանիների դիմակայությունը պատկերող հոլովակին ուշադրություն է դարձրել The Sun-ը:
28-ամյա Անջելա Ֆերգյուսոնը կիսվել է ընձուղտների անսովոր առճակատման կադրերով: Ըստ վարկածներից մեկի՝ կենդանիները պայքարում էին առաջնորդության համար:
Ֆերգյուսոնը բացատրել է, որ ընձուղտների դիմակայությունը տեսանկարահանել է African Lion and Environmental Research Trust կազմակերպության կամավորը՝ «Զամբեզի» ազգային պարկում, մարտ ամսին:
«Օգտատերերին հետաքրքրեց այս տեսահոլովակը: Ընձուղտները հազվադեպ են նման տարօրինակ պահվածք դրսևորում: Շատերը, նույնիսկ նրանք, ովքեր աշխատում են վայրի բնության մեջ, նման բան երբեք չէին տեսել: Որոշ օգտատերեր տեղի ունեցածը համեմատել են յոգայի հետ»,- ասել է Ֆերգյուսոնը:
