Գերմանական Ռոթ-ամ-Զեում հրաձգություն է իրականացրել երկրի 26-ամյա քաղաքացին: Միջադեպի զոհեր են դարձել նաև չարագործի ծնողները: Այս մասին n-tv հեռուստաալիքին հաղորդել է ոստիկանության ներկայացուցիչ Աալենան:
Նա պատմել է, որ Ռոթ-ամ-Զե համայնքի Բանհոֆշթրասե սրճարանում, որտեղ տեղի է ունեցել միջադեպը, զոհվել են 26, 65 և 69 տարեկան երեք տղամարդիկ, ինչպես նաև 36, 56 և 62 տարեկան երեք կին:
«Եղել են նաև երկու տուժածներ, որոնք բժշկական օգնություն են ստացել»,- ասել է իրավապահը:
Նրա խոսքերով, ևս մեկ տուժած գտնվում է ծանր վիճակում:
Ըստ իրավապահ մարմինների վարկածի, ողբերգությունը կապված է ընտանեկան հարաբերությունների հետ:
