Թուրքիան պատրաստվում է երկրի պատմության մեջ ամենախոշոր ռազմական գործողության իրականացմանը. Սիրիայի հետ սահմանագծին մոտ 80 հազար զինվոր է փոխադրվել, հաղորդում է The Son Haber պարբերականը:
«Զինծառայողների և զրահապատ մեքենաների փոխադրումը, սահմանագծում դրանց կենտրոնացումը շարունակվում է անընդհատ»,- հաղորդում է պարբերականը:
Նշվում է, որ համեմատած «Եփրատի վահան» և «Ձիթենու ճյուղ» գործողությունների, այժմ զորքերի և տեխնիկայի կենտրոնացումը շատ ավելի մասշտաբային է:
Տեխնիկան շարժվում է շարասյուներով, ինչպես նաև գնացքներով՝ մինչև Իզքենդերուն երկաթուղային կայարան:
Նշվում է, որ գործողությունը կիրականացվի Եփրատից արևելք ընկած տարածքում: Լրատվամիջոցների հաղորդումների համաձայն, գործողության ղեկավարումը կիրականացվի Շանլիուրֆայից և Քիլիսից, զորքերը միաժամանակ հարձակվելու են ավելի քան 10 ուղղություններով:
Ավելի վաղ Թուրքիան հայտարարել էր, որ Սիրիայի հյուսիսում քուրդ զինյալների դեմ հետաձգված ռազմական գործողությունը կսկսեն տարածաշրջանից ամերիկյան զորքերի դուրսբերման հետաձգման դեպքում:
Իր հերթին, Թրամփը սպառնացել է Անկարային տնտեսական պատժամիջոցներով, եթե Թուրքիան որոշի հարձակվել սիրիական քրդերի վրա: Այս մասին նա ասել է Սիրիայից ԱՄՆ զորքերի դուրսբերման մեկնարկի մասին հայտարարելուց հետո:
Ի պատասխան Անկարան հայտարարել է, որ կշարունակի պայքարել քրդերի դեմ, չնայած Թրամփի սպառնալիքներին:
