Եթե Արժույթի միջազգային հիմնադրամը համաձայնեցնի Ուկրաինայի ֆինանսական օգնության լայն փաթեթը, Կանադան պատրաստ կլինի Կիևին տրամադրել 220 մլն դոլար՝ հայտարարել է Կանադայի վարչապետ Սթիվեն Հարփերը: Այս մասին հաղորդում է СВС հեռուստաալիքը:
«Վարչապետ Սթիվեն Հարփերը հայտարարել է 220 մլն դոլարի մասին որպես հավելյալ միջոց՝ ապահովելու (Ուկրաինայի) կայուն տնտեսական աճը, ժողովրդավարության զարգացումն ու բարեխիղճ կառավարումը»,- Օտտավայում մամլո ասուլիսի ժամանակ հայտարարել է Կանադայի արտգործնախարար Ջոն Բերդը:
Ինչպես նշում է հեռուստաալիքը՝ հայտարարված օգնության մեծ մասը՝ 200 մլն դոլարը, կփոխանցվի ԱՄՀ-ի կողմից ֆինանսական աջակցության ավելի լայն փաթեթի համաձայնեցման պայմանով:
