Երևան են եկել հանգամանքներ, որոնք վկայում են Մերձավոր Արևելքում ԱՄՆ նախագահ Դոնալդ Թրամփի քաղաքականության փոփոխության մասին՝ գրում է The National Interest-ը։
Ենթադրությունն այն մասին, որ Թրամփի վարչակազմը կարո է երկիրը ներքաշել տարածաշրջանում նոր պատերազմի մեջ, ներկա պային անհեռանկարային է թվում։ Թրամփը որոշել է «արգելակել»։ Իրանի հանդեպ ԱՄՆ-ի վերաբերմունքը գրեթե հանգեցնում էր բախման Պարսից ծոցում, սակայն այժմ Բաշինգտոնը երկմտանքի մեջ է։
Առաջին հանգամանքը պայմանավորված է ԱՄՆ նախագահի և ազգային անվտանգության գծով նրա խորհրդական Ջոն Բոլթոնի միջև տարաձայնություններով․ հենց Բոլթոնն էլ համարվում է Եվրասիայում պատերազմի գլխավոև հրձիգը։ Իրավիճակին ծանոթ երեք աղբյուրների խոսքով՝ Բոլթոնը լավագույն դեպքում կարող է հայտնվել պահեստայինների նստարանին, իսկ վատագույն դեպքում՝ խաղից դուրս մնացածների շարքում։
Երկրորդ հանգամանքը պետքարտուղար Մայք Պոմպեոյի դիրքորոշմամբ է պայմանավորված։ Պոմպեոն հրապարակայնորեն հրաժարվեց իր խոսքերից այն մասին, որ Վաշինգտոնը բանակցություններ կսկսի միայն Թեհրանի կողմից նախնական պայմանավորվածությունների կատարումից հետո։ Այժմ ամերիկյան կողմը պատրաստ է Իրանի հետ բանակցել առանց նախապայմանների։
Երրորդ հանգամանքը պայմանավորված է նրանով, որ Թրամփը անսպասելիորեն աջակցեց Պոմպեոյին և հանդես եկավ իր սեփական փեսայի և ավագ խորհրդականի՝ Ջերադ Քուշների դեմ, որը պատասխանատու է իսրայելա-պաղեստինյան հակամարտության խաղաղ կարգավորման ծրագրի մշակման համար։
Պետքարտուղարը հայտարարել է, որ ԱՄՆ-ը, հնարավոր է, հրաժարվի նրա ծրագրից, քաի որ թերությունների քանակը գերակշռում է առավելություններին։
