Չորեքշաբթի լույս հինգշաբթի գիշեր Թուրքիայի Ստամբուլ քաղաքում ցուցարարները հրկիզել են իշխող կուսակցության համակարգող կենտրոնը՝ հաղորդում է Hurriyet-ը:
Ստամբուլում 14-ամյա Բերկին Էլիվնի հուղարկավորությունից հետո, ով 2013թ. հունիսին Գեզիի ցույցերի ընթացքում գանգուղեղային վնասվածք էր ստացել և 269 օր կոմայի մեջ անցկացնելուց հետո մահացել, ակցիայի մասնակիցները ցանկացել են շարժվել Թաքսիմ հրապարակի կողմը, որը ոստիկանությունը փակել էր:
Ոստիկանությունը, օգտագործելով ջրցաններ և արցունաքբեր գազ, փորձել է խանգարել ակցիայի մասնակիցների տեղաշարժը, որոնք անցել են հարակից փողոցներ:
Հիշեցնենք, որ դեռահասի մահվան կապակցությամբ զանգվածային ցույցեր են տեղի ունեցել Թուրքիայի ավելի քան 30 քաղաքներում: ԶԼՄ-ների փոխանցմամբ՝ զանգվածային բողոքի ակցիաների ընթացքում զոհվել է 2 մարդ:
