«Ժպիտների քաղաք» և «Իմ քայլը» բարեգործական հիմնադրամների հոգաբարձուների խորհրդի նախագահը՝ ՀՀ վարչապետի տիկին Աննա Հակոբյանը, ապրիլի սկզբին այցով Միացյալ Նահանգներում էր։ Այցը բավականին հագեցված է եղել․ հանդիպումներ են եղել հայկական համայնքի ներկայացուցիչների հետ, ԱՄՆ կոնգրեսականների հետ։ Արդյունավե՞տ էր արդյոք այցը «Առաջին լրատվական»-ի հարցին «Ժպիտների քաղաք» բարեգործական հիմնադրամի հոգաբարձուների խորհրդի անդամ, մանկական արյունաբան, ուռուցքաբան Գևորգ Թամամյանը պատասխանեց․ «Իմ կարծիքով՝ շատ արդյունավետ էր։ Այցի ընթացքում հանդիպումներ եղան ԱՄՆ մի քանի քաղաքներում՝ Բոստոնում, Վաշինգտոնում, Լոս Անջելեսում, Նյու Յորքում։
Այց եղավ նաև Մեմֆիս քաղաք, որտեղ գտնվում է աշխարհի խոշորագույն քաղցկեղի կենտրոնը։ Այցի ընթացքում, բացի հանգանակություններից և գալա-ընթրիքներից, հայ համայնքին ներկայացվեց մանկական ուռուցքաբանության իրավիճակը Հայաստանում, ինչպես նաև զարգացման ուղիները, որով փորձ արվեց հաղորդակից դարձնելու մեր հայրենակիցներին»։
«Քաղցկեղը, այդ թվում՝ մանկականը, թանկարժեք հիվանդություն է, և եթե չլինեն բարեգործական հիմնադրամները, ապա տվյալ պահին այդ հարցի լուծումը մեր երկրում դժվար կդառնա»,- հավելեց Գևորգ Թամամյանը։
Մանրամասները՝ տեսանյութում։
