Այսօր՝ ապրիլի 17-ին, Ազգային ժողովում շարունակվում են աշխատանքները: Այժմ շարունակում է քննարկվել Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին հարցը:
«Իմ քայլը» խմբակցության պատգամավոր Համազասպ Դանիելյանը խոսեց անկեղծության մասին ու ասաց, որ Էդմոն Մարուքյանն արդեն 3 ամիս է՝ խոսում է ուժայինների նկատմամբ խորհրդարանական վերահսկողության բացակայության մասին:
Դանիելյանը «սովորեցրեց», թե ինչ ասել է խորհրդարանական վերահսկողություն:
Նրա խոսքով՝ դահլիճի մյուս կողմը պակաս շահագրգռված չէ ժողովրդավարական Հայաստան լինելով. «Շատերս դրա համար բավական ճանապարհ ենք անցել: Պարոն Մարուքյան, Ձեր մասին է խոսքը. Դուք պատասխանատվությամբ հայտարարում եք՝ քանի դեռ չկա խորհրդարանական վերահսկողություն, որը պարզեցինք, որ կա, միգուցե բավարար չափով չի, հետևաբար Հայաստանը խորհրդարանական պետություն չէ… մի հատ էլ եզրակացություն եք անում՝ հետևաբար Հայաստանն արդեն իսկ ժողովրդավարական չէ։ Դուք ո՞ւմ կողմից եք խաղում»։
Վերջում նա Մարուքյանին հրավիրեց աշխատելու Հայաստանը ժողովրդավարական դարձնելու ուղղությամբ:
Մանրամասները՝ տեսանյութում:
