Իսրայելում դադարեցվել Է «Եվրատեսիլ 2019» երգի մրցույթի տոմսերի վաճառքը՝ դրանց իրացման հետ կապված չարաշահումների պատճառով: Այս մասին հայտնել է իսրայելական հեռուստատեսության Իններորդ ալիքը:
«Իսրայելում դադարեցված Է «Եվրատեսիլ» երգի մրցույթի տոմսերի վաճառքը, որի կիսաեզրափակիչ ու եզրափակիչ մասերն այս տարվա մայիսի 14-ից 18-ը տեղի են ունենալու Թել Ավիվում: Տոմսերի վաճառքը ժամանակավորապես դադարեցնելու որոշումն ընդունել Է Kan Հանրային հեռարձակման իսրայելական կորպորացիան, որը պատասխանատու Է մրցույթի անցկացման համար: Պատճառն այն Է, որ տոմսերը վաճառելիս լավագույն տեղերը բաժին են հասել մշակութային ու մարզական ընտրախավի ներկայացուցիչների, ինչը առաջացրել Է կարգավորող մարմինների կասկածները»,- նշել Է հեռուստաալիքը:
Տոմսերի վաճառքը «Եվրատեսիլ» մասնագիտացված կայքում սկսվել Է փետրվարի 28-ի երեկոյան:
«Մեկ ժամ անց մրցույթի եզրափակիչի բոլոր տոմսերը վաճառված Էին: Ընդ որում Եվրոպայից, Ամերիկայից եւ Ավստրալիայից մրցույթին ներկա լինել ցանկացողներից շատերը գանգատվել են կայքին հասանելի լինելու խնդրից»,- նշում Է Իններորդ ալիքը: Նրա տվյալներով՝ դրանից շատ չանցած սացիալական ցանցերում առաջարկություններ են հայտնվել կազմակերպիչների կողմից սահմանված գները 2,5 անգամ գերազանցող գներով տոմսերի վաճառքի մասին:
Իսրայելի ներքին գործերի նախարար Գիլադ Էրդանը կարգադրել Է իրավապահ մարմիններին անհապաղ միջոցներ ձեռնարկել սպեկուլյանտների դեմ: Նա ասել Է, որ խոսքը «այլանդակ ու անօրինական երեւույթի մասին Է, որը մթագնեցնում Է տոնական ու ուրախալի իրադարձությունը եւ վնասում երկրի միջազգային իմիջին»։
