Իր երիտասարդությամբ համբավ ձեռք բերած չինուհի Լյու Ելինը պատմել է, որ իրեն հաջողվում է լավ տեսք ունենալ ցրտին մարզվելու շնորհիվ։ Այս մասին հաղորդել է Daily Mail պարբերականը։
Ելինը խոստովանել է, որ արդեն 30 տարի ակտիվորեն զբաղվում է սպորտով։ Ամենից շատ կնոջը դուր է գալիս բաց ջրաբարներում լողալը. նա չի թողնում այդ զբաղմունքը նույնիսկ ձմռանը։
Վերջերս թոշակի դուրս եկած գրադարանավար Ելինը, ով այժմ հայտնի բլոգեր է, ֆրիդայվինգ է սովորում ֆիլիպինյան լողափերում։ «Ես միշտ սիրել եմ ծովը և կարողանում եմ ակվալանգով լողալ, բայց այժմ ես ինձ նոր մարտահրավեր եմ նետել։ Ես ցանկանում եմ հնարավորինս խորը սուզվել՝ առանց որևէ սարքավորման»,– պատմել է նա։ Նա պատմել է, որ նոր զբաղմունքն իրեն բավական դժվար է տրվում. ջրի տակ երեք րոպե չշնչելը «անտանելի ցավոտ» է։
Ելինի բիզնես գործընկեր Տեգան Շին գտնում է, որ կինը Չինաստանում փոխում է գեղեցկության չափորոշիչները. «Առաջ գեղեցիկ էին համարվում սպիտակամաշկ, համեստ և թույլ կանայք, սակայն Ելինը աստիճանաբար կոտրեց այդ կարծրատիպերը։ Նա համարձակ է, չի վախենում նոր բաներ փորձելուց, ես հիանում եմ նրա համարձակությամբ»։
Ելինը հույս ունի պահպանել իր գեղեցկությունը մինչև 80 տարեկանը։ Նրա 23 ամյա որդին ասել է, որ դժվար է իր համար ընկերուհի գտնելը, քանի որ բոլորը մորն իր ընկերուհու տեղն են դնում։
