ՀՀ արտակարգ իրավիճակների նախարարության Շիրակի մարզի փրկարարական վարչության 911 ծառայությունն օգոստոսի 15-ին ժամը16:05-ին ահազանգ է ստացել այն մասին, որ Արթիկ քաղաքում կողաշրջվել է զինվորական բեռնատար:
16:07-ին դեպքի վայր է մեկնել թիվ 49 հրշեջ փրկարարական ջոկատի մեկ մարտական հաշվարկ: Այս մասին տեղեկացրեց ՃԿԿ ավագ հրահանգիչ ավագ լեյտենանտ Գոռ Ավետիսյանը: «Չպարզված հանգամանքերում Արթիկ քաղաքի Նարեկացի և Բաղրամյան փողոցների խաչմերուկում կողաշրջվել է ЗИЛ 131 մակնիշի 0032 YՕ 94 բեռնատար: Փրկարարները մեքենայի թափքից դուրս են բերել Ռուսաստանի Դաշնության քաղաքացիներ 1995 թվականին ծնված Ա.Գ-ին և 1997 թվականին ծնված Ա.Կ.-ին»:
Տեղում 1-03 ծառայությունը ցուցաբերել է համապատասխան օգնություն, հոսպիտալացման կարիք չի եղել: Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի ծառայողները և 102-րդ ռազմաբազայի օպերատիվ խումբը:
