Հայաստանն ու Վրաստանը բնական դաշնակիցներ են և կարևոր է այդ դաշնակցության ամրացումն ու առարկայացումը: Թեմայի շուրջ «Առաջին լրատվական»- ը զրուցեց Երևանի մամուլի ակումբի նախագահ Բորիս Նավասարդյանի հետ: Գնահատելով ՀՀ վարչապետ Նիկոլ Փաշինյանի պաշտոնական այցը Վրաստան, Բ. Նավասարդյանը նշեց. «Այդ այցը շատ ոգևորիչ էր: Մթնոլորտն այնպիսին էր, որ կարելի էր վստահ լինել՝ Հայաստանը և Վրաստանը հետաքրքրված են իրարով, ցանկանում են օգնել իրար և նույն ճանապարհով առաջ գնալ ու զարգանալ: Դա շատ կարևոր ուղերձ էր բոլորին:
Մեր տարածաշրջանում, ցավոք, շատ քիչ են օրինակները, երբ երկու երկրներ ունեն նույն արժեքներն ու նպատակները, և այդ նպատակներն այս վերջին զարգացումների արդյունքում ավելի մոտ են դարձել, և մենք ավելի սերտ բարեկամության համար հնարավորություններ ունենք»:
Բ. Նավասարդյանի խոսքով՝ Հայաստանը կարող է օգտակար լինել Վրաստանին, որպեսզի այստեղից ընդօրինակվեն հասարակության հետ այնպիսի երկխոսության եղանակներ, որոնք կիրառվում են այստեղ, իսկ մենք Վրաստանից սովորելու բան ունենք պետական ինստիտուտների կայացման առումով:
Բորիս Նավասարդայնն անդրադարձավ նաև Հայաստան-ԵՄ, ՀՀ-ՌԴ հարաբերություններին՝ ներկայացնելով իր դիտարկումները: Նա նշեց, որ Հայաստանի քաղհասարակության և ԵՄ պաշտոնյաների միջև շփումներ են սկսվելու:
Երևանի մամուլի ակումբի նախագահի դիտարկմամբ՝ այսօրվա պաշտոնյաները իրենց կոմֆորտ են զգում ԵԱՏՄ-ում:
Մանրամասն՝ տեսանյութում:
